Pétur Pétursson


Pétur Pétursson

Pétur Pétursson er slökkviliðsstjóri Brunavarna Árnessýslu. Hann er jafnframt formaður félags slökkviliðsstjóra og framkvæmdastjóri almannavarna í Árnessýslu.  Auk menntunar sem slökkviliðs-, sjúkraflutninga- og eldvarnaeftirlistmaður er Pétur lærður kafari, garðyrkjufræðingur og viðskiptafræðingur.  Pétur sinnti m.a. friðargæslu í Afganistan eitt ár.

Varnir gegn gróðureldum í sumarhúsabyggðum

12 okt. 13:00 - 13:45

Gróðureldar eru sem betur fer ekki algengir á Íslandi en geta verið illviðráðanlegir ef eldur berst í þurran gróður. Á undanförnum áratugum hefur trjám verið plantað í miklum mæli á Íslandi. Ógrisjaður, þéttur skógur getur verið illfær vegna þess að greinar hans eru samfléttaðar frá skógarbotni og upp úr. Slíkur skógur er hættulegastur með tilliti til gróðurelda.  Veðurfar hefur mikil áhrif á hættu á gróðurbruna og miklir gróðurbrunar verða yfirleitt í langvarandi þurrkum og hvassviðri. Eldur og reykur getur stefnt lífi fólks í hættu og valdið verulegu eignatjóni. Rétt viðbrögð og forvarnir geta þá skipt sköpum.