Einar Magnús Magnússon


Einar Magnús Magnússon

Einar starfar sem sérfræðingur í öryggis- og fræðsludeild Samgöngustofu. Hans helstu verkefni eru auglýsingagerð, viðburðastjórnun, kynningar- og fræðslumál fyrir öll svið samgangna á Íslandi. Einar hefur mestan hluta ævinnar starfað við kvikmyndagerð en árið 2004 var hann ráðinn til Umferðarstofu til að annast upplýsingaveitu. Á yngri árum var Einar í sjóflokki björgunarsveitar með köfun sem sérsvið.

Öryggi barna í bíl

16 okt. 10:00 - 10:45

Annað hvert ár standa Slysavarnafélagið Landsbjörg og Samgöngustofa að könnun um öryggi barna í bíl sem gerð er við leikskóla víða um land. Í erindi sínu fer Einar yfir niðurstöður könnunarinnar í ár, greint niður á þéttbýliskjarna og einstaka leikskóla, aldur barna og þróun varðandi öryggis- og verndarbúnað barna síðustu ár. Þá verður nýtt fræðsluefni kynnt og farið yfir samseiginlegt átak Slysavarnafélagsins Landsbjargar og Samgöngustofu með áherslu á fræðslu til foreldra um mikilvægi þess að velja réttan búnað og festa hann rétt í bílinn.